Pilipinas

Simula nang maluklok sa puwesto si Pangulong Ferdinand Marcos Jr. noong Hunyo 2022, nagpatuloy lamang ang mga seryosong paglabag sa karapatang pantao sa bansa, kabilang ang arbitraryong pag-aaresto, mga ekstrahudisyal na pamamaslang at sapilitang pagkawala na isinagawa ng mga puwersang panseguridad. Nagpatuloy ang mga pagpatay sa "war on drugs" gayong mas kaunti na ang mga kaso. Nananatiling nasa ilalim ng seryoso, at minsang nakamamatay, na banta ng "red-tagging" – mga paratang ng pagkaugnay o pagsuporta sa komunistang New People's Army – ang mga makakaliwang aktibista ng lipunang sibil, mamamahayag, tagapagtaguyod ng kalikasan, unyonista, at makakaliwang politiko. Bihirang napapanagot ang mga pulis o sundalong sangkot sa pang-aabuso. Sa isang makasaysayang hakbang patungong hustisya, inaresto ng mga awtoridad ng Pilipinas si dating Pangulong Rodrigo Duterte noong 2025 dahil sa diumano'y papel niya sa libo-libong ekstrahudisyal na pamamaslang noong "war on drugs" habang siya ay mayor ng Davao City at pangulo, at dinala siya sa International Criminal Court sa The Hague.

Available in English>>